ರಾಶಿ ಭವಿಷ್ಯ

Home ರಾಶಿ ಭವಿಷ್ಯ

ದಿನಾಂಕ : 22.11.2020 ರಿಂದ 28.11.2020

ಜಯತೀರ್ಥಾಚಾರ್ ವಡೇರ್, ದಾವಣಗೆರೆ. 

ಮೇಷ (ಅಶ್ವಿನಿ, ಭರಣಿ, ಕೃತ್ತಿಕಾ)
(ಚೂ.ಚೇ.ಚೋ.ಲ.ಲಿ.ಉ.ಲೇ.ಲೊ.ಅ.)

ಮತ್ತೊಬ್ಬರ ಹಣಕಾಸಿನವಿಚಾರದಲ್ಲಿ ಜಾಮೀನಾಗುವುದು ಆಪತ್ತುಗಳನ್ನು ನೀವಾಗಿಯೇ ಆಹ್ವಾನಿಸಿದಂತಾಗುತ್ತದೆ. ಮಕ್ಕಳಿಗೆ ವಿದ್ಯಾಭ್ಯಾಸದಲ್ಲಿ ವಿಶೇಷ ಆಸಕ್ತಿ ಮೂಡಲಿದೆ. ಕೆಲಸಕಾರ್ಯಗಳಲ್ಲಿ ಉತ್ತಮ ಶ್ರದ್ಧೆ ಇದ್ದಲ್ಲಿ ಮಾತ್ರ, ಸಫಲತೆ ಸಾಧ್ಯ. ಮಾಡಲೇಬೇಕಾದ ಕೆಲಸಗಳ ಬಗ್ಗೆ, ನಿರಾಸಕ್ತಿ ಬೇಡ. ದೂರಪ್ರಯಾಣ ಸದ್ಯಕ್ಕೆ ಬೇಡ, ಮಡದಿಯ ಸಲಹೆಗಳನ್ನು ಕೇಳುವುದರಿಂದ ಅನೇಕ ಸಮಸ್ಯೆಗಳಿಗೆ ಪರಿಹಾರ ಸಿಗುವುದು.ಆಸ್ತಿಗೆ ಸಂಬಂಧಪಟ್ಟತೊಡಕುಗಳು ನಿವಾರಣೆಯಾಗಲಿದೆ. ಕನ್ಯೆಯರಿಗೆ ಉತ್ತಮ ಸಂಬಂಧಗಳು ಬರಲಿವೆ. ಆದಾಯದ ಮೂಲವನ್ನು ಹೆಚ್ಚಿಸಿಕೊಳ್ಳಲು ಹರಸಾಹಸ ಮಾಡ ಬೇಕಾದೀತು. ಕುಲದೇವತಾ ದರ್ಶನಮಾಡಿ. ಸೋಮ, ಮಂಗಳ,  ಗುರು, ಶುಭದಿನಗಳು.


ವೃಷಭ (ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2)
(ಇ.ಉ.ಎ.ಒ.ವ.ವಿ.ವು.ವೆ.ವೋ)

ಸ್ನೇಹಿತರ ನಡುವೆ ಭಿನ್ನಾಭಿಪ್ರಾಯ ಮೂಡಬಹುದು, ಪ್ರೇಮಿಗಳು ತಮ್ಮ ಹುಚ್ಚಾಟಕ್ಕೊಂದು ಕಡಿವಾಣವಿರಲಿ. ಅಪರಿಚಿತರೊಂದಿಗೆ ಹಣಕಾಸಿನ ವ್ಯವಹಾರ ಬೇಡ. ಮನಸ್ಸಿನ ಭಾವನೆಗಳನ್ನು ಆತ್ಮೀಯರೊಂದಿಗೆ ಮಾತ್ರ ಹಂಚಿಕೊಳ್ಳಿ. ಚಿನಿವಾರಪೇಟೆಯಲ್ಲಿ ವಹಿವಾಟು ಜೋರಾಗಿಯೇ ನಡೆದರೂ, ಲಾಭಮಾತ್ರ ಅಷ್ಟಕ್ಕಷ್ಟೇ. ಬಹಳ ದಿನಗಳನಂತರ,ಆತ್ಮೀಯರ ಆಗಮನವಾಗಿ, ಮನೆಯಲ್ಲಿ ಹಬ್ಬದವಾತಾವರಣ. ರಾಜಕಾರಣಿಗಳಿಗೆ ಹಿಂಬಾಲಕರಿಂಲೇ ಹಿನ್ನಡೆ, ಯಾರನ್ನೇ ಅತಿಯಾಗಿ ನಂಬುವುದು ಒಳ್ಳೇದಲ್ಲ. ಮೋಜು ಮಸ್ತಿ ಆರೋಗ್ಯದ ಮೇಲೆ ಅಡ್ಡಪರಿಣಾಮ ಬೀರೀತು. ಗೃಹನಿರ್ಮಾಣ ವಿಷಯವು ಮುನ್ನೆಲೆಗೆ ಬರಲಿದೆ. ಮತ್ತೊಬ್ಬರ ವೈಯುಕ್ತಿಕ ವಿಚಾರದಲ್ಲಿ, ನಿಮ್ಮ ಪ್ರವೇಶಬೇಡ. ಬುಧ, ಗುರು, ಶುಕ್ರ,  ಶುಭದಿನಗಳು.


ಮಿಥುನ (3,4, ಆರಿದ್ರಾ, ಪುನರ್ವಸು 1,2,3)
(ಕ.ಕಿ.ಕು.ಘ, ಔ, ಚ.ಕೆ.ಕೋ.ಹ.)

ಹದಗೆಟ್ಟಿದ್ದ ಮನೆಯ ಶಾಂತಿ ಮತ್ತೆ ಮೂಡಿಬರಲಿದೆ. ಬಂಧುಗಳಿಂದ ದೊರೆಯಬಹುದಾದ ಸಲಹೆ, ಸಹಕಾರ ಸಿಗಲಿದೆ. ಮಾಡುವ ಕೆಲಸಗಳಲ್ಲಿ ಆತುರ ತೋರಿ, ಗಂಡಾಂತರಕ್ಕೆ ಸಿಲುಕುವ ಸಂಭವವಿದೆ. ವಿದೇಶದಲ್ಲಿರುವ ಮಗನಿಂದ ಶುಭ ಸಮಾಚಾರ, ಆಗಬೇಕಾದ ಕೆಲಸಕಾರ್ಯಗಳು ನಿಮ್ಮ ಉದಾಸೀನ ಪ್ರವೃತ್ತಿಯಿಂದಾಗಿ ಹಿನ್ನಡೆ. ಕೈಗಾರಿಕೊದ್ಯಮಿಗಳು, ದೃಢನಿರ್ಧಾರದಿಂದ ವ್ಯವಹರಿಸುವುದು ಉತ್ತಮ. ಹಿರಿಯರ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸ, ನಿಮ್ಮ ದೂರ ಪ್ರಯಾಣ ಅನಿವಾರ್ಯವಾಗಲಿದ್ದು, ಪೂರ್ವಸಿದ್ಧತೆ ಯೊಂದಿಗೆ ಹೊರಡು ವುದು ಉತ್ತಮ. ಮಕ್ಕಳ ವಿದ್ಯಾಭ್ಯಾಸದ ವಿಷಯದಲ್ಲಿ ಆತಂಕ ಮೂಡ ಬಹುದು. ಸಮಾಜಸೇವಕರಿಗೆ ವಿಷೇಶ ಮಾನ-ಸನ್ಮಾನಗಳು, ಆದಾಯದ ಮೂಲದಲ್ಲಿ ಹೆಚ್ಚಿನ ಕಡಿತ. ಭಾನು, ಬುಧ, ಗುರು, ಶುಭದಿನಗಳು. 


ಕರ್ಕಾಟಕ (ಪುನ 4, ಪುಷ್ಯ, ಆಶ್ಲೇಷ)
(ಹಿ.ಹು.ಹೆ.ಹೂ.ಡ.ಡಿ.ಡು.ಡೆ.ಡೋ)

ಅನಿರೀಕ್ಷಿತವಾಗಿ ಆಧ್ಯಾತ್ಮದ ಕಡೆ ಮನಸ್ಸು ತಿರುಗಲಿದ್ದು, ಎಲ್ಲರಿಗೂ ಅಚ್ಚರಿ ಮೂಡಲಿದೆ. ಸಾಧುಸಂತರ ದರ್ಶನ ಭಾಗ್ಯ ನಿಮ್ಮದಾಗಲಿದೆ. ಮಕ್ಕಳ ಮೇಲೆ ಅತಿಯಾದ ವ್ಯಾಮೋಹ ಅಷ್ಟು ಒಳ್ಳೆಯದಲ್ಲ. ಸೋದರನ ವಿವಾಹ ಸಂಬಂಧ ಹೆಚ್ಚಿನ ತಿರುಗಾಟ ಅನಿವಾರ್ಯವಾಗಬಹುದು. ಹಿರಿಯರ ಆರೋಗ್ಯದಲ್ಲಿ ಹೆಚ್ಚಿನ ಸುಧಾರಣೆ, ಬಂಧುಗಳ ಮನೆಯಲ್ಲಿ ನಡೆಯುವ ಶುಭಕಾರ್ಯಗಳಲ್ಲಿ ಭಾಗವಹಿಸುವಿರಿ. ಹಿಂದೆ ನಡೆದುಹೋದ ಘಟನೆಗಳನ್ನು ಮರೆತು ಮುಂದೆ ಸಾಗುವುದು, ಬುದ್ಧಿವಂತರ ಲಕ್ಷಣ. ಅನುಭವಿಗಳು ಕೊಡುವ ಸಲಹೆಗಳನ್ನು ಧಿಕ್ಕರಿಸಬೇಡಿ. ಕಳೆದು ಹೋಗಿದ್ದ ಆಸ್ತಿಸಂಬಂಧಿ ದಾಖಲೆಗಳು, ಆಕಸ್ಮಿಕವಾಗಿ ಮತ್ತೆ ಸಿಗಲಿದೆ. ವ್ಯಾಪಾರಸ್ಥರಿಗೆ ಸರ್ಕಾರದಿಂದ ಸೂಕ್ತಸಲಹೆಗಳು ಸಿಗಲಿದೆ, ಆರೋಗ್ಯದ ವಿಚಾರದಲ್ಲಿ ಉದಾಸೀನತೆ ಬೇಡ. ಸೋಮ, ಗುರು, ಶುಕ್ರ, ಶುಭದಿನಗಳು.


ಸಿಂಹ ( ಮಘ, ಪುಬ್ಬ, ಉತ್ತರ 1)
(ಮ.ಮಿ.ಮು.ಮೋ.ವೆ.ಟ.ಟಿ.ಟು.ಟೆ)

ವಿದ್ಯಾರ್ಥಿಗಳು ಗುರು ವೃಂದದವರ ಸಹಾಯ ಪಡೆಯುವುದು ಅತ್ಯುತ್ತಮ,  ಖರ್ಚು ವೆಚ್ಚಗಳಿಗೊಂದು ಕಡಿವಾಣವಿರಲಿ, ಕುಟುಂಬದಲ್ಲಿ ಸೌಹಾರ್ದತೆ ಕಾಪಾಡಿಕೊಳ್ಳಿ. ಸಾಲಗಳನ್ನು ತೀರಿಸಲು ಮಾರ್ಗೋಪಾಯವೊಂದು ಗೋಚರಿಸಲಿದೆ. ದೈನಂದಿನ ಚಟುವಟಿಕೆಗಳಲ್ಲಿ ಉತ್ಸಾದಿಂದ ಭಾಗವಹಿಸುವಿರಿ. ಅತ್ಯಮೂಲ್ಯ ವಸ್ತುಗಳ ಖರೀದಿ, ಜೋರಾಗಿಯೇ ನಡೆಯಲಿದೆ. ಆದಾಯದ ಮೂಲದಲ್ಲಿ ಹೆಚ್ಚಳ, ಮತ್ತೊಬ್ಬರ ಕೌಟುಂಬಿಕ ವಿಚಾರದಲ್ಲಿ ನಿಮ್ಮ ಪ್ರವೇಶ ಖಂಡಿತಾ ಬೇಡ. ಸಂಗೀತ ಕಲಾವಿದರಿಗೆ ಉತ್ತಮ ಅವಕಾಶಗಳು ದೊರೆಯಲಿದೆ. ಮಡುವ ಕರ್ತವ್ಯದಲ್ಲಿ ಉದಾಸೀನತೆ ತೋರಬೇಡಿ. ತಪ್ಪಿದರೆ ಅದು ನಿಮ್ಮ ಭವಿಷ್ಯಕ್ಕೆ ಮಾರಕವಾದೀತು. ಕುಲದೇವತಾರಾಧನೆ ಮಾಡಿ. ಭಾನು,ಸೋಮ, ಬುಧ, ಶುಭ ದಿನಗಳು.


ಕನ್ಯಾ (ಉತ್ತರಾ 2,3,4, ಹಸ್ತಾ, ಚಿತ್ತಾ 1,2)
(ಟೋ.ಪ.ಪಿ.ಪು.ಷ.ಣ.ಠ.ಪೆ.ಪೋ)

ಆಡುವ ಮಾತುಗಳ ಮೇಲೆ ಹಿಡಿತವಿರಲಿ, ಅನಾವಶ್ಯಕ ವ್ಯವಹಾರಗಳಿಂದ ದೂರವಿರುವುದು ಉತ್ತಮ. ಖಾಸಗಿ ಕಂಪನಿ ನೌಕರರು ಮೇಲಾಧಿಕಾರಿಗಳಿಂದ ಅನೇಕ ತೊಂದರೆಗಳನ್ನು ಎದುರಿಸಬೇಕಾದೀತು. ನೆರೆಹೊರೆಯವರೊಂದಿಗೆ ಜಗಳವಾಗುವ ಸಂಭವವಿದೆ. ತಾಯಿಯ ಆರೋಗ್ಯದಲ್ಲಿ ತೀವ್ರ ವ್ಯತ್ಯಾಸ, ಅವರ ಬಗ್ಗೆ ವಿಶೇಷ ಗಮನವಿಡಿ. ಅವಿವಾಹಿತರಿಗೆ, ಕಂಕಣ ಭಾಗ್ಯ, ಮಕ್ಕಳಿಂದ ಎಲ್ಲಾ ರೀತಿಯಿಂದ ನೆರವು, ಅನ್ಯರ ಮೇಲೆ ವಿನಾಕಾರಣ ಸಂಶಯಬೇಡ, ಧನ-ಮಾನಗಳು ನಷ್ಟನಾಗಬಹುದು.  ನಷ್ಟವಂತೂ ಕಂಡಿತಾ ಇಲ್ಲ. ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಪರಿವಾರದೊಂದಿಗೆ ಪಾಲ್ಗೊಳ್ಳುವಿರಿ. ಆದಾಯದಲ್ಲಿ ಹೆಚ್ಚಳವೇನೂ ಇಲ್ಲ. ಮಂಗಳ, ಬುಧ, ಶುಕ್ರ, ಶುಭ ದಿನಗಳು.


ತುಲಾ (ಚಿತ್ತಾ 3,4, ಸ್ವಾತಿ, ವಿಶಾಖ 1,2,3)
(ರ.ರಿ.ರು.ರೆ.ರೊ.ತ.ತಿ.ತು.ತೆ.)

ನಿಮಗೆ ತಿಳಿಯದಂತೆ ದೊಡ್ಡಪಿತೂರಿ ಸಹೋದ್ಯೋಗಿಗಳು ಮಾಡಲಿದ್ದಾರೆ. ಆದ್ದರಿಂದ, ಬಹಳ ಎಚ್ಚರದಿಂದ ಕರ್ತವ್ಯ ನಿರ್ವಹಿಸಿ. ನಿಷ್ಟೆ ಮತ್ತು ಪ್ರಾಮಾಣಿಕತೆ ಮಾತ್ರ  ನಿಮ್ಮನ್ನು ಯಶಸ್ಸಿನ ಶಿಖರಕ್ಕೇರಿಸಲು ಸಾಧ್ಯ. ಸರ್ಕಾರಿ ಪ್ರತಿ ಕೆಲಸದಲ್ಲಿರುವವರಿಗೆ, ಉನ್ನತಾಧಿಕಾಗಳ ಬೆಂಬಲ ದೊರೆಯಲಿದೆ. ವ್ಯವಹಾರದಲ್ಲಿ ಲಾಭನಷ್ಟಗಳ ಚಿಂತೆ ಬಿಟ್ಟು, ನಿರಮ್ಮಳವಾಗಿರಿ. ನಿಮಗೆ ಬರಬೇಕಾದ ಲಾಭಾಂಶ ಬಂದೇ ಬರುತ್ತದೆ. ಬುದ್ಧಿಜೀವಿಗಳು, ತುಸು ಎಚ್ಚರದಿಂದಿರುವುದು ಉತ್ತಮ.ರಾಜಕಾಣಿಗಳು, ತಮ್ಮ ಬಾಲಬಡುಕರ ಬಗ್ಗೆ ಎಚ್ಚರದಿಂದಿರುವದು ಲೇಸು.ಕುಟುಂಬದಲ್ಲಿ, ಸಹನೆ ಮತ್ತು ಸಮಾಧಾನ ರೂಢಿಸಿಕೊಳ್ಳುವುದು ಅತ್ಯಾವಶ್ಯಕ.ಕಷ್ಟದಲ್ಲಿರುವ ನಿಮ್ಮ ಸೋದರಿಗೆ, ಸಾಂತ್ವನದ ಎರಡು ಮಾತುಗಳನ್ನಾಡುವುದರಿಂದ ಅವಳಿಗೆ ಜೀವನದಲ್ಲಿ ಭರವಸೆ ಮೂಡುವುದು. ಬುಧ, ಶುಕ್ರ,  ಶನಿ, ಶುಭದಿನಗಳು.


ವೃಶ್ಚಿಕ (ವಿಶಾಖ 4, ಅನೂ, ಜೇಷ್ಠ)
(ತೊ.ನ.ನಿ.ನು.ನೆ.ನೋ.ಯ.ಯಿ.ಯು.)

ಪ್ರತಿಯೊಂದಕ್ಕೂ ಮತ್ತೊಬ್ಬರನ್ನು ಅವಲಂಭಿಸುವುದರಿಂದ ಅದು ನಿಮ್ಮ ದೌರ್ಬಲ್ಯವೆಂದು ಭಾವಿಸಬಹುದು,  ಹಿರಿಯರು ಕೊಡುವ ಸಲಹೆಗಳು ಮುಂದೆ ನಿಮ್ಮ ಉಪಯೋಗಕ್ಕೆ ಬರಲಿದೆ. ಗೃಹಿಣಿಯರು ಹರಿತವಾದ ಆಯುಧಗಳಿಂದ, ಗಾಯಗೊಳ್ಳ ಬುಹುದು. ಸ್ವಯಂ ಉದ್ಯೋಗದಲ್ಲಿ, ಹೆಚ್ಚಿನ ಲಾಭ ಪಡೆಯುವಿರಿ. ಮಕ್ಕಳ ವಿದ್ಯಾ ಭ್ಯಾಸದಲ್ಲಿ ಸಾಧಾರಣ ಪ್ರಗತಿ. ಅನಾವಶ್ಯಕ ವಸ್ತುಗಳ ಖರೀದಿ, ಹೆಚ್ಚಿನ ಖರ್ಚಿಗೆ ದಾರಿಯಾದೀತು. ಆಧ್ಯಾತ್ಮದ ಬೆನ್ನುಹತ್ತಿ ಹೋಗುವ ನಿಮಗೆ, ಅನಿರೀಕ್ಷಿತವಾಗಿ ಸಾಧು-ಸಂತರ ಭೇಟಿಯಗಲಿದೆ. ಹಣದಹರಿವಿನಲ್ಲಿ, ಆಕಸ್ಮಿಕವೋ ಎಂಬಂತೆ ಕುಸಿತ ಕಂಡು ಬಂದರೋ, ಚಿಂತೆಬೇಡ, ಸ್ನೇಹಿತರ ಸಹಕಾರ ಸಿಗಲಿದೆ. ಗೋವುಗಳಿಗೆ ಮೇವು-ನೀರು ಕೊಡಿ. ಭಾನು, ಮಂಗಳ, ಗುರು, ಶುಭದಿನಗಳು. 


ಧನಸ್ಸು (ಮೂಲ, ಪೂರ್ವಾಷಾಡ, ಉತ್ತರಾಷಾಡ)
(ಯೆ.ಯೋ. ಬ.ಬಿ.ಬು.ಧ.ಫ.ಡ.ಬೆ.)

ಕೃಷಿಕ ಮಿತ್ರರು ತುಸು ಎಚ್ಚರದಿಂದಿರಿ, ಉದ್ಯೋಗದಲ್ಲಿ ಮರು ಹೊಂದಾಣಿಕೆಯಾಗಲಿದೆ. ಹಳೆಯ ಖಾಯಿಲೆಗಳು ಮರುಕಳಿಸದಂತೆ ಎಚ್ಚರವಹಿಸಿ. ನಿರುದ್ಯೋಗಿ ಮಗನಿಗೆ ನೌಕರಿ ಸಿಗಲಿದೆ. ಕೈಗಾರಿಕೊದ್ಯಮಿಗಳಿಗೆ, ಸರ್ಕಾರ ದಿಂದ ಆರ್ಥಿಕ ನೆರವು, ತೆಗೆದುಕೊಂಡಿದ್ದ ಸಾಲಗಳ ಮರುಪಾವತಿಗೆ ಪ್ರಯತ್ನಿಸದ್ದಿದ್ದರೆ, ಭಾರೀ ಸಮಸ್ಯೆಗೆ ಒಳಗಾಗಬಹುದು. ಬಂಧುಗಳೊಂದಿಗೆ ದ್ವೇಷ ಅಷ್ಟು ಒಳ್ಳೇದಲ್ಲ. ಸಂಗಾತಿ ಯೊಂದಿಗೆ ಚರ್ಚಿಸಿ, ನಿರ್ಧಾರಗಳನ್ನು ಕೈಗೊಳ್ಳಿ. ಉಪಾಯದಿಂದಲೇ ವ್ಯವಹಾರ ದಲ್ಲಿ, ಪಾಲುದಾರರ ಮನ ಒಲಿಸಿಕೊಳ್ಳಲು ಪ್ರಯತ್ನಿಸಿ. ಬೇರೆಯವರ ವಾಹನ ಗಳನ್ನು ಚಾಲಿಸಲು ಹೋಗಬೇಡಿ. ವಿದೇಶದಲ್ಲಿರುವ ಮಗನ ಆಗಮನ ಸಂತಸ ತರಲಿದೆ. ಪೂರ್ವಿಕರ ಹರಕೆಗಳನ್ನು ನೆರವೇರಿಸಿ. ಭಾನು-ಬುಧ- ಗುರು- ಶುಭದಿನಗಳು. 


ಮಕರ (ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2)
(ಜೊ.ಜ.ಜಿ.ಜೆ.ಶಿ.ಶು.ಶೇ.ಶೋ.ಗ.ಗಿ)

ಮೋಸಗಾರರ ಮೋಡಿ ಮಾತಿಗೆ ಮರುಳಾಗಿ, ಹಣಕಳೆದುಕೊಳ್ಳುವ ಸಂಭವವಿದೆ. ಹಿರಿಯರ ಆರೋಗ್ಯದ ಕಡೆ, ವಿಶೇಷ ಗಮನವಿಡಿ. ಈ ವಾರವೆಲ್ಲಾ ಪ್ರಯಾಣಕ್ಕೆ ಅಷ್ಟು ಪ್ರಶಸ್ತವಿಲ್ಲ. ಹಿತೈಷಿಗಳ ಮಾತನ್ನು ಕೇಳುವುದರಲ್ಲಿ ನಿಮ್ಮ ಹಿತವಡಗಿದೆ. ಬದುಕಿನಲ್ಲಿ ಬದಲಾವಣೆ ಹಾಗೂ ಹೊಂದಾಣಿಕೆ ಅನಿವಾರ್ಯ ಎಂಬುದು ನೆನಪಿರಲಿ. ಮಹಿಳಾ ಸಾಹಿತಿಗಳಿಗೆ, ಸರ್ಕಾರದಿಂದ ವಿಶೇಷ ಸನ್ಮಾನವಾಗಲಿದೆ. ಬಿಡುವಿಲ್ಲದೇ ದುಡಿವ ದೇಹಕ್ಕೆ ತುಸು ವಿಶ್ರಾಂತಿ ಕೊಡಿ, ಮಿತಿಮೀರುತ್ತರುವ ಖರ್ಚಿಗೊಂದು ಕಡಿವಾಣವಿರಲಿ, ರಿಯಲ್‌ ಎಸ್ಟೇಟ್‌ ವ್ಯವಹಾರದಿಂದಾಗುವ ಲಾಭ, ಅಷ್ಟಕ್ಕಷ್ಟೇ. ಮಗಳ ಮದುವೆ ಪ್ರಸ್ತಾಪದ ಮಾತುಕತೆ ಮತ್ತೆ ಮುಂದುವೆಯಲಿದೆ. ನವ ದಂಪತಿಗಳ ಮಧ್ಯೆ ಮೂಡಿದ್ದ ಭಿನ್ನಾಭಿಪ್ರಾಯ ಬಗೆಹರಿಯಲಿದೆ. ಕುಲದೇವತಾ ದರ್ಶನ ಮಾಡಿರಿ. ವಿದ್ಯಾರ್ಥಿಗಳಿಗೆ ಸಾಧಾರಣ ದಿನಗಳು. ಬುಧ, ಶುಕ್ರ, ಶನಿ, ಶುಭದಿನಗಳು.


 ಕುಂಭ (ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3)
(ಗು.ಗೆ.ಗೊ.ಸ.ಸಿ.ಸು.ಸೆ.ಸೋ.ದ)

ಹೊಸ ಉದ್ಯಮಿಗಳಿಗೆ ನಿರೀಕ್ಷಿತ ಮೂಲಗಳಿಂದ ಆರ್ಥಿಕ ನೆರವು. ಸರ್ಕಾರಿ ನೌಕರರಿಗೆ ಗಂಡಾಂತರವೆನಿಸಿದ್ದ ಸಮಸ್ಯೆಯೊಂದು ಸುಖಾಂತವಾಗಲಿದೆ.ರಚನಾತ್ಮ ಕವಾದ, ನಿಮ್ಮ ಎಲ್ಲಾ ಕೆಲಸಗಳಿಗೂ ಸಮಾಜದ ನೆರವು ದೊರೆಯಲಿದೆ. ಸಿನಿಮಾರಂಗ ದಲ್ಲಿರುವ, ಅದರಲ್ಲೂ ನಟಿಯರಿಗೆ ಹೆಚ್ಚಿನ ಸಂಭಾವನೆಯ ಅವಕಾಶಗಳು ದೊರೆಯಲಿವೆ ಯಾವುದೋ ಸಂಬಂಧವಿಲ್ಲದ ಘಟನೆ ನಿಮ್ಮ ತಲೆಗೆ ಸುತ್ತಿಕೊಳ್ಳುವ ಸಂಭವವಿದೆ. ಅಂತಹ ಪ್ರಸಂಗಗಳಿಂದ, ನಾಜೂಕಾಗಿ ದೂರಸರಿಯಿರಿ. ಪುಣ್ಯಸ್ಥಳಗಳ ದರ್ಶನದ ಅವಕಾಶ ದೊರೆಯಲಿದೆ. ಹಿತಶತೃಗಳ ವಿಚಾರದಲ್ಲಿ ತುಂಬಾ ಎಚ್ಚರ ದಿಂದಿರಿ. ಹೆಚ್ಚಿನ ಶ್ರಮ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಬೀರ ಬಹುದು. ಗುರುಗಳ ಅನುಗ್ರಹ ಸಂಪಾದಿಸಲು ಪ್ರಯತ್ನಿಸಿ. ಭಾನು, ಶುಕ್ರ, ಶನಿ, ಶುಭದಿನಗಳು. 


ಮೀನ (ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ)
(ದಿ.ದು.ಖ.ಝ.ಥ.ದೆ.ದೋ.ಖ.ಚ.ಚಿ.)

ಹಿರಿಯರು ಮಾಡಿದ್ದ ಋಣ ಪರಿಹಾರವಾದ ಮಾನಸಿಕ ನೆಮ್ಮದಿ ನಿಮ್ಮದಾಗಲಿದೆ.ಸಹಕಾರವೇ ಸಂತೃಪ್ತ ಜೀವನ, ಸಹೋದ್ಯೋಗಿಗಳೊಂದಿಗೆ, ಸೌಹಾರ್ದತೆಯಿಂದಿರಿ. ಅದರ ಫಲ ಮುಂದೆ ನಿಮಗೇ ತಿಳಿಯಲಿದೆ. ಹಳೇ ಖಾಯಿಲೆಗಳು ಮತ್ತೆ ಕಂಡುಬರಬಹುದು. ವಾಹನ ಖರೀದಿ ಯೋಗವಿದೆ. ನ್ಯಾಯಾಲಯದ ಖಟ್ಲೆಗಳನ್ನು, ರಾಜಿ-ಪಂಚಾಯ್ತಿ ಮೂಲಕ ಬಗೆಹರಿಸಿ ಕೊಳ್ಳುವುದು ಉತ್ತಮ. ನಿಮ್ಮ ಹೊಸಯೋಜನೆಗಳಿಗೆ, ಬಂಧುಗಳಿಂದ ಹೆಚ್ಚಿನ ನೆರವು ದೊರೆಯಲಿದೆ. ಚಿನ್ನಾಭರಣ ವ್ಯಾಪಾರಿಗಳಿಗೆ, ವಹಿವಾಟು ಚೆನ್ನಾಗಿಯೇ ನಡೆದು, ಲಾಭಾಂಶ ಕ್ರಮೇಣ ಹೆಚ್ಚಲಿದೆ. ಸತ್ಯಾನ್ವೇಷಣೆಗೆಂದು ಹೋಗಿ, ನಿಮ್ಮ ವೈಯುಕ್ತಿಕ ಬಯಲಾದೀತು. ಯಂತ್ರೋಪಕರಣಗಳ ಬಿಡಿ ಭಾಗಗಳ ಮಾರಾಟದಿಂದ, ಲಾಭಾ. ಹಳೆಯ ಮಿತ್ರರ ಭೇಟಿಯಾಗಲಿದೆ.